Ek Musalman kaisa hota hai ? Akhlaq e Muslim kya hain ?

Assalamu alaikum..
(Shaitan lakh roke susti dilaye par is post ko pura padhiye, apko pata chalega ki islam kaisa pyara mazhab hai.)

Daur e hazir me bahot saare musalmano ka haal bad se badtar hota chala ja raha hai is pur fitan daur me zaroorat is baat ki hai hum ilm e deen hasil kare or jane ki akhir hamara islam ikhlaq ke bare me kya kehta hai ? ek Musalman ka ikhlaq kaisa hona chahiye ? Buzurgan e deen ka ikhlaq kaisa hua karta tha ki gair muslim unke ikhlaq ko dekh kar hi musalman ho jate the. wo ihklaq e hasna kaise the ? or aaj to ye haal hai ki kisi anjaan musalman ko salam bhi karna ho to sochna padhta hai ki pata nhi muslim hai bhi ya nhi , phir pata chal bhi jaye ki han musalman hai, par uske manners se nhi lagta ki ye wahi mazhab ka man'ne wala hai jis mazhab me ikhlaq e hasna ko apnane ke liye bahot targeeb dilai gai hai, jis akhlaq ki wajah se aaj duniya bhar me deen e islam ka noor pahocha hai.

Kho'tay Sikke ki hikayat

Hazrate sheikh Abu Abdullah khaiyyat رحمة اللہ علیہ ke pas ek aatash parast kapde silwaane aata or har bar ujrat me khota sikka de jata, aap chup-chaap le lete. Ek bar aap ki gair maujoodi me shagird ne aatash parast se khota sikka na liya. Jab aap wapis tashreef laye or ma'aloom hua to shagird se farmaya: tu ne khota dirham kyu na liya ? kai saalo se wo mujhe khota sikka hi deta raha hai or mai bhi jaan kar le leta hu isliye ki ye wohi sikka kisi dusre musalman ko na de de.

Kya baat hai hamare Aslaf ki.

Kya baat hai hamare aslaf e kiram ki, ke apne musalman bhai ki khair khwahi ke liye apna nuksan bardast kar lete par apne musalman bhai ko taqleef na pahon'che iska kitna khayal rakhte the ki khota sikka sirf is liye le lete ki agar mai isse ye sikka na lu to ho sakta hai ye kisi or mere musalman bhai ko ye sikka dhoke se de de or mere musalman bhai ka nuksan ho jaye. Kya Akhlaq the in hastiyo ke or ek hum hain ki durse ka to door ki baat hai apne khud ke sage bhai ka bhi khayal nhi karte or dusre ki to khushi bhi kuch logo se nhi dekhi jati or hasad jaisi batni bimari me (Jo ki haram hai) mubtala rehte hain or dusro ki khushi unse dehki nhi jaati.Tamam Ashiqan e Rasool صلی اللہ علیہ وسلم ko chahiye ki ilm deen hasil kare or apne Akhlaq ko acha banaye warna yahi bure Akhlaq jahannam me le jane ka sabab ban sakta hai.

Teen Shaks (ibtida'an) Jannat se mehroom

Walidain or dusre ristedaar jin ke saat khooni rista ho, darja ba darja mu'ashre me sab se zyada ehtiram or husne sulook ke haqdar hote hain, magar afsoos ki is ki taraf bhi ab kam hi dheyan diya jata hai. Kuch log durse logo ke samne bahot hi zyada acche mizaaj wale or milan-saar hote hain magar apne ghar walo ke liye khaas kar ke walidain (parents) ke haq me bahot hi tez mizaaj or bad Akhlaq hote hain. Aise logo ki tawajjo ke liye arz hai ki- Hazrate saiyyaduna Abdullah ibne Umar رضی اللہ تعالی عنھما se riwat hai, Sarkar e do A'alam, Noore mujassam, Shahe bani Aadam   ka farnam hai: "Teen shaks jannat me nhi jaenge, Ma'n baap ko sataane wala or dai'yoos or mardani waza'a banane wali Aurat"
( مجمع الزوئد ج 8، ص 270)

Dai'yoos ki ta'areef (Definition)

Bayan ki hui hadees me ma'n baap ko takleef dene wale ke sath sath Dai'yoos ke bare me bhi aaya ki wo jannat se mehroom kar diya jaega. "Dai'yoos" yani wo shaks jo apni biwi ya kisi mehram (jis se parda nhi us) par gairat na khaye. Matlab ye ki taqat hone ke bawajood apni biwi, ma'n, behno or jawan betiyo wagaira ko galyo'n, bazaaro, shopping centres or makhloot tafreh-gaho me be-parda ghoome phirne, ajnabi padosiyo, na-mehram riste-daro (wo relatives jin se parda hai), gair mehram mulazimo (employees), chauki-daro or drivers se be-parda or be-takallufi se mana'a ka karne wala DAI'YOOS, or jannat se mehroom or jahannam ka haqdar hai.

Yaad rakhiye dusre na mehram(jin se parda karna zaroori hai) unke sath sath taayazaad, chacha-zaad, mamuzaad, khalazaad,fufizaad , chachi, mumani, behnoi, khalu, fufa, dewar, jay'th or bhabi ke beech bhi shari'at ne padra rakha hai. Agar Aurat zikr kiye gaye (mard) riste-daro se be-takalluf or be-pardagi (yani parda nhi karegi) to jahannam ki haqdar hogi or sohar agar apni taqat ke mutabik biwi ko is gunah se nhi rokega to shar'an wo "Dai'yoos" ebtida'an jannat se mehroom or azab e jahannam ka haqdar hoga. Jo elaniya Dai'yoos hai wo imamat ke laiq nhi wo fasik hai, wo gawahi ke bhi laiq nhi.

"Ya Ilahi ! Rang laye jab meri be bakiya'n

Un ki neechi neechi nazro ki haya ka sath ho"

Mardani kapde wali jannat se mehroom

Hadees me mardani waza'a banane wali Aurat ko bhi jannat se mehroom qarar diya gaya hai. To jo Aurat madro (mens) jaisa kapda pehne, mardo jaisa baal cut karaye or mardo jaise shoes pehne wo bhi is wa'eed me dakhil hai. Aaj kal bach'cho me bhi iska lihaaz nhi rakha jata ladke ko ladki ka libas pehna diya jata hai or ladki ko ladke ka kapda pehna diya jata hai or baal bhi ladke ke jaisa cut karaye jate hain ki pata hi nhi chalta ki ye ladki hai ya ladka. Sahib e bahar e shari'at Mufti Amjad Ali A'azmi likhte hain: " bach'cho ke hath pao (leg) me bila zaroorat mehn'di lagana na jaiz hai. Auart khud apne hath pao me laga sakti hai magar ladke ko lagae'gi to gunahgar hogi.

(Bahar e Shari'at jild 3, p- 428)

Bade bhai (brother) ka Ehtiram 

Walidain (parents) ke sath sath durse khandan walo jaise ki bhai bahen ka bhi khayal rakhna chahiye. Baap ke ba'ad, dadajan or bade bhai ka rutba hai ki bade bhai walid ki jagah hota hai. Mustafa Jane Rehmat, Tajdar e Risalat صلی اللہ علیہ وسلم ne irshad farmaya : "Bade bhai ka haq chote bhai par aisa hai jaisa walid (baap) ka haq aulad par"

(شعب الایمان ج 2، ص 21)

Ghar me Kharab Mahol hone ki wajah

Afsoos ! Ghar me aaj kal kharab mahool hone ki wajah kafi had tak hum khud hi hote hain wo aise ki ghar walo se hamari be inteha be-takallufi, bahot zyada hasi mazak, "tu" kar ke bat karna, bad akhlaqi or bahot zyada be-tawajjohi (ignorens) wagaira iski wajah hai. Bahot log bahar to bade a'ajizi se milte hain par jab ghar aate hain to yahi seedha insaan bab'bar sher ban kar dahaad'ta hai or is tarah ghar me iska waqaar nhi banta or ghar walo ki islah iske hath se nhi ho pati. Agar humne apne Akhlaq thik na kiye or ghar walo ke sath acha'cha sulook na kiya to kahin ye bure Akhlaq hame jahannam me na le jaye. ALLAH تعالی hame Mehfooz faramaye.

Namak Zyada Daal Diya

Kehte hain : Ek Admi ki biwi ne khane me namk zyada daal diya. Is shaks ko gussa to bahot aaya magar ye soch sochte hue wo Gussa pi gaya ki mai bhi to galtiya karta hu agar maine aj biwi ki galti par sakti se pakad ki to kahin aisa na ho ki kal qayamat ke din Allah تعالی bhi meri galtiyo par pakad farma le, to usne dil hi dil me apni biwi ki khata mua'af kr di. Marne ke bad usko kisi ne khwab me dekh kar pucha, Allah تعالی  ne ap ke sath kya mu'amla faramaya ? Us ne jawab diya ki Gunaho ki kasrat ki wajah se azab hone hi wala tha ki Allah تعالی ne farmaya : Meri bandi ne salan me Namak zyada dal diya ka or tum ne us ki galti mua'af kr di thi, jao mai bhi us ke si'lay me tum ko aaj mua'af karta hu.

Kuch Zaroori Nasihatein

اللہ اکبر Kitna Kareem hai hamara Rab عزوجل ki Ek choti si neeki ki wajah se apne bando ke saare Gunah baksh deta hai or ek hum hai ki uski hi nafarmani me koi kami nhi chor'te, hamko bhi chahiye ki koi bhi neeki ka mauka na chore or har gunah se bachne ki puri koshish kare, ho sakta hai jo neeki ba-zahir humko choti lagti hai wo hamari najaat ka zariya ban jaye jaise - is post ko share karna or koi ek hi gunah jo hame yaad bhi na ho uski wajah se qayamat me pakad ho jaye or afsoos or hasrat ke siwa kuch hath na aye.

Yaha hamko gussa pee jane or sabr ki fazilat bhi pata chali par afsoos ki hamare undar to ye dono hi cheez nhi hai. Choti-choti bat par itna gussa krte hain ki jiski had nhi or Thodi si musibat par sabko itna batate hain ki hmse bada dukh ka mara koi hai hi nhi, phir jab koi kehte hai sabr karo bhai to kehte hain "Sabr hi to kar rahe hain" jab ki saari kasar nikaal chuke hote hain. Ye Kaisa sabr hua mere bhai ?? Gusse ke ilaj ke liye ye kitab bahot faide mand hai ..

Gusse ka ilaj free pdf available in 7 languages

Acche Akhlaq apna kar ek Sach'che musalma banne ke liye neeche di hui pdf book se Ache Akhlaq ke bare me padhe or ilm me izafa kare or amal karne ki koshsish kare.

Ihtiram e Muslim Free pdf Available in 14 languages

Jo Kuch Agar Acchi bat likha hai wo Allah تعالی ki taufeek Or uski madad se hai or jo galtiya ho wo meri kohta fehmi se hai. Allah Isko hamare liye sawab e jariya banaye Or Apne Mehboob صلی اللہ علیہ وسلم ka haqiqi Ishq aata famaye آمین

Farz ilm hasil karnna "FARZ" hai, iske liye is link par click kare..

Farz Uloom Course Available in Audio & Video

Is post ko padh kar hi na rahe neeche diye Social media ke icon par click karke share bhi kare or sawab ka khazana hasil kare. !!